Milih Purih Manok Sabong laki enggau manok Indu

Milih Manok DiPurih
Sida ti baru ka nginang manok sabong patut nyediaka diri enggau ari segi penemu, masa serta ungkus kena meli purih manok ti manah. Nginang utai ti idup baka manok sabong endang olih meri pengerindu ia enda olih diterang enggau leka jako.
Nginang manok sabong perkara ia patut dikerja semua kitai bala ka nyabong, laban nginang manok tu siti ari proses nyediaka purih manok sabong ti manah. Ari purih manok ti manah, diak kitai bolih peratus menang ti manah agi ari orang bukai. Ketegal pengering ati enggau pengelikun kitai nginang manok sabong, diak manok kitai olih ditemu orang bukai.

Keterubah kitai ka nyadi "breeder" tauka nupi manok sabong, kitai udah bersedia ari segi masa, tenaga, serta mega modal dikena ngetan ka pengerindu bakatu.  Tuju kitai nupi manok sabong mega nentuka kini tunga pengerindu tua tu tadi. Sekeda kitai ka nginang manok sabong laban ka ngiga penguntung ari bejual manok lalu sekeda sida bukai ka disabong diri empu.

Udah kitai terang enggau tuju nginang manok, baru tau begigaka lalu meli manok laki enggau indu kena ngepunka nginang manok sabong. Maia meli manok, patut meli purih ia ti manah serta nitihka pemisi kitai.

Ngiga purih manok
Maia ngiga purih manok, kitai anang kepapa.  Banding siti-siti kebun manok sabong enggau kebun manok bukai. Manah agi enti meli manok sabong, meli ari sida ia ka ditemu kitai bisi enggau orang besabong ka manok sida ia empu. Sida ke bisi kebun manok sabong besai, nyangka rega manok sida ia mar agi enti dibandingka enggau sida nupi manok ba belakang rumah.